Kjell S Johansen a écrit :
> Ja, sjølsagt skal en være stolt av det en engang hadde, hvis det er noe å
> være stolt av, men folk er no engang relativt konkrete i sin tankegang, de
> ser på hvordan de har det, og hvordan det kan bli. Det er lettere å reise
> folk i Norgev til kamp for saker i Norge og innafor en ramme som pågår på
> et språk de forstår.
Ja, men det er dette som så lett fører inn i dei populistiske irrgangar.
Det var dette som førde AKP og deler av RV inn i kampen mot
dieselavgifta for ikkje så lenge sidan. Skal ein hengje seg på folket,
eller skal ein stille seg i framkant, forklåre og agitere?
> >.......Kampen mot liberalismen
> >til EU må førast i EU, for det er der politikken blir staka opp, i alle
> >fall i namnet. Dette gjeld også den utanomparlamentariske kampen.
>
> ?Blir den? Jeg som trudde det meste kom fra USA - the Washington Consesus
> er vel mye mer dominerende og innflytelsesrik. EU følger bare med på lasset
> (som Norge gjør - JA til EU har jo flertall på Stortinget)
> Det betyr at vi må alle bli med i USA, er det det du mener??
> Det hadde jo sjølsagt vært en tanke om India, Kina og Pakistan blei med i
> USA og alle fikk stemmerett, men ...
The Washington Consensus er definitivt sterk i Noreg, som ofte ber preg
av å vera ein amerikansk satelittstat. Han er også sterk i nokre andre
"brobygger"statar i den angelsaksiske delen av Europa. Men det finst ein
motstraum i høve til den amerikanske modellen. Ein må t.d. sjå krangelen
mellom den franske og engelske regjeringa etter det som av
engelskmennene og nokre andre blir kalla "nederlaget i Haag" på bakgrunn
av dette. Det franske EU-presidentskapet v/miljøvernministeren frå Les
Verts ville ikkje gå med på det engelske "kompromiss"-forslaget som
ville ha gitt USA løyve til å sleppe ut enorme mengder CO2.
Nei, det finst ingen Washington Consensus som gjennomsyrar Europa. Det
finst ingen United States of Europe etter den amerikanske modellen.
Kanskje nokre drøymer om det. Eg drøymer ikkje om eit slikt Europa. USA
er den einaste supermakta med alt det inneber. Det er alt.
> >Dei norske EU-motstandarane har alt tapt, og det med god hjelp frå ei
> >regjering som kalla seg "Nei-regjering".
>
> Som sagt har vi fortsatt JA flertall på Stortinget, og det er nok vel så
> viktig som Regjeringa, i alle fall så lenge en ikke har en regjering som
> tørrr/vil ta Nei flertallet i folket på alvor, og utfordre
> Stortingsflertallet. (men det er jo ikke aktuelt nå).
Det blir neppe aktuelt med det første. Kva finst det så att? Ei
framtidig Frp-regjering som seier ja til kvasimedlemsskapet - ja til
EØS, nei til EU?
> Har du tenkt over hvordan det hadde vært om Norge hadde blitt med i EU i
> -72? Hadde venstresida i EU vært styrka, eller hadde JA til USA vært
> styrka?? Norge har tross alt ikke så veldig mange innbyggere, og det store
> flertallet velger gjerne inn JA til EUere på Stortinget, sjøl om de er
> motstandere av EU sjøl. Trur du de ville valgt helt anderledes til EU-organ??
Eg forstår ikkje heilt kva du meiner her, og eg vil ikkje gi meg inn på
spådomar. Eg stemde nei i 1972 og trudde kanskje den gongen at det ville
vera med på å gjera Noreg til ein betre stad å bu. Sidan har det gått
som det har gått. Eg drog frå landet i 1982, og busette meg i Frankrike
eit par år seinare. Når eg kjem attende ein og annan gong, er ikkje det
første som slår meg at Noreg er eit fantastisk land. Eg blir tvert imot
meir og meir skuffa for kvar gong. Det har kanskje noko å gjera med at
eg blir meir og meir framand, og at levemåten og omgangsformene er
ganske annleis.
I Frankrike har ein hatt lange periodar med "cohabitation" dei siste 20
åra - dvs. president frå den eine store leiren og statsminister frå den
andre. Folk likar det slik, for dei har kanskje inntrykk av å ha
kontroll på ein måte, og trur dei nøytraliserer makta. Denne ideen blir
marknadsført som fasit.
Det er ofte underlege tankar ute og går i måten folk flest stiller seg
til politikken. Men det er vel ikkje vår oppgåve berre å konstatere
slikt. Spørsmålet om fleirtal for, eller mot EU verkar meir og meir
diffust, men det er ingenting å krangle om. Eg har ingen ambisjonar i
høve til EU-kampen, og har som sagt heller ikkje stemmerett.
> Norge er ikke rosenrødt, men kampen er mer overkommelig i mindre skala,
> j.fr. venstresidas styrke i USA.
Det kjem an på. Tilløpa til det ein kan kalle kamp i Noreg er så
minimale etter det eg kan sjå at det mest ikkje er noko å snakke om.
Forskjellane mellom rike og fattige aukar rett nok, men dei fattige er i
stort mindretal og det blir ikkje opprør. Dei "svake" gruppene
blir høvla ned, fordi dei er samansette av eldre, innvandrarar og
lågtløna arbeidarar. Eg veit ikkje kor venstresida er oppi alt dette,
men eg har ikkje inntrykk av at det er så storveges.
> >Småskalaproduksjonen i Noreg er køyvd av norske byråkratar og
> >regjeringar, nokre av dei "sosialistiske" og svært så folkelege. Det har
> >vore gjort smått om senn, og no er det snart berre minne att.
> >Gardbrukarar heng seg, anten fordi dei er nedsøkte i gjeld, eller fordi
> >dei er komne enda lenger, må gi opp og ikkje kan tenkje seg eit anna
> >liv.
>
> Ja, men Sverige (og andre EU-land ) har kommet mye lenger.
Både ja og nei. I Frankrike som er jordbruksland nr. 1 i EU, finst det
no ein motsett tendens - småskalaproduksjonen opplever ein renessanse,
smått om senn.
> >..Men det var
> >småskalaproduksjon i dei fleste europeiske landa også, og presset var
> >ikkje så stort som i dag. Dei andre var rett nok tidlegare ute med dei
> >nye tankane, men etter krigen var det om å gjera å brødfø alle.
> >Pengeveldet hadde ikkje fått det same fotfestet som no, og utviklinga
> >var nokolunde kontrollerbar. Det er helst dei siste 10-15 åra at alt er
> >kome ut av kontroll. No står ein der og har kjensla av at det er for
> >seint alt.
>
> Men undertrykking avler motstand, så vi håper at den vokser også i de mest
> sentrale imperialistiske landene.
Dette er frasemakeri frå nokre kinesiske skrifter. Motstanden er nok
latent nokre stader i den tredje verda, men denne utartar ofte i
vrengebilete og enda meir undertrykkjing. I vesten er motstanden
framleis perifer, men i framgang. Det er ei heilt anna form for
motstand, enn den som kom ut or studentopprøret i 1968, mindre dogmatisk
og meir open organisatorisk. Ein kan ikkje nytte gamle skjema lenger,
som du gjer her:
> Ja det er bl.a. dette vi kjemper mot, men vi trur ikke vi kan overlate den
> kampen til noen andre. Vi skal og må samarbeide internasjonalt, men ingen
> kan føre kampen for oss. Om EU skulle være mer progressivt enn Norge, så
> ville det neppe vært noen fordel for venstresida i EU at Norge kom med og
> styrka høyresida. Ethvert folks frigjøring må være det egne folkets kamp.
Kva slag band har eigentleg RV (eller AKP), og SV til den internasjonale
motstandsrørsla? Det finst mykje snakk om dette, men få resultat. Ta
ATTAC til dømes. Det som finst av ATTAC-arbeid i Noreg, står nokre få
enkeltpersonar for, hovudsakeleg Vidar Rekve.
Kven seier at EU er meir progressivt enn Noreg? Spørsmålet er
irrelevant. I nokre saker forfektar det overnasjonale EU meir
"progressive" standpunkt enn det proamerikanske Noreg, men EU er
samansett av statar som alle meir og mindre byggjer økonomien på
marknadsliberale prinsipp. Debatten om kven som er mest "progressiv"
fører ingen veg. Det er mest like uinteressant som å diskutere kven som
er mest "progressiv" av dei to leiande amerikanske presidentkandidatane.
> Men miljøkampen er et poeng. Her må vi presse fram holdningsendring hos
> norske forhandlere.
> Og hva kommer det av at Green Peace, som opprinnelig er en amerikansk
> organisasjon, har reist aksjoner i Norge og boikott-aksjoner av norsk
> handel pga hvalfangst, og tilsvarende mot andre land, men ikke starter
> massive aksjoner for boikott av USA og aksjoner mot amerikanske bedrifter
> pga holdningen til forurensing etc? I alle fall har ikke jeg hørt om slike
Greenpeace oppstod i Kanada i 1971, og er framleis aktiv både der og i
USA. Sjå http://www.greenpeacecanada.org/e/aboutgp/history.html
Greenpeace USA: http://www.greenpeaceusa.org/
Er det eit problem at mellom andre Greenpeace slost mot norsk og japansk
kvalfangst? Eg støttar det sjølvsagt utan å blunke...
Oddmund Garvik
______________________________________________________________________________
Vous avez un site perso ?
2 millions de francs à gagner sur i(france) !
Webmasters : ZE CONCOURS ! http://www.ifrance.com/_reloc/concours.emailif
This archive was generated by hypermail 2b29 : Thu Jan 18 2001 - 10:59:29 MET