Den eine saka blir avløyst av den andre. Denne gongen av ei sak det
neppe er stor dissens om på KK-forum...
Her i Frankrike var det i går store demonstrasjonar i Paris, Marseille
og Lyon mot den israelske terroren. Deler av den "moderate" venstresida
ligg derimot i vasskorpa. PS har t.d. tradisjonelt hatt sterke band til
det jødiske miljøet og jødiske organisasjonar. Alle hugsar Jospin sin
tur til Midtausten, og dei
skandaløse fråsegnene han kom med. Den tamme haldninga blir i tillegg
forsterka av det komande presidentvalet om to år.
Dei jødiske organisasjonane ("jødelobbyen") er sterke i Frankrike.
Presse og media er dels styrt av desse gruppene. Den intellektuelle
venstresida er også prega av eit sterkt jødisk innslag. I dei fleste
spørsmål er etnisk/religiøs bakgrunn sjølvsagt heilt underordna. Men i
spørsmålet om Israel bryt alt det irrasjonelle eit menneske kan bera på,
gjennom, og haldningane blir totalt sjølvmotseiande. Brått teier dei,
desse som elles står i fremste linje for å forsvare fridom og
menneskeverd - Bernard-Henri Lévy, André Glucksmann og dei andre. Det er
synd, for det blir vanskeleg, for ikkje å seia umogleg å ta dei
alvorleg.
For nokre dagar sidan blei den same analysen som kjem fram i artikkelen
til Tanya Reinhart som Rognes sende i går, lagt fram i
innringingsprogrammet Radiocom i morgonsendinga til France Inter
(statleg kanal). Den prominente morgonkommentatoren, Dominique
Bromberger, byrja å stamme, blei nølande, heilt til han fall attende i
den vanlege sjølvsikre stilen, og proklamerte at på den eine sida..., og
på på den andre sida..., blablabla...Ariel Sharon kunne ikkje bli stilt
for den internasjonale domsstolen i Haag, fordi denne ikkje fantest i
1982/83, osv. Heilt umogleg å få ut det minste pip av kritisk analyse om
"Det Heilage Landet". Han klamra seg så langt han kunne til det som
offisielt har blitt framstilt som Sharon sin "provokasjon", og som skal
ha utløyst det heile. Israelsvenene hoppar bukk over over det faktum at
dette føyer seg inn i ein svinesti av intriger som går som ein raud tråd
gjennom sioniststaten si historie. Dei hoppar også bukk over det faktum
at den finst ein okkupant og ein okkupert i området, og at År 0 i
Palestina ikkje er 1948.
Barak skuldar Chirac for nederlaget i Paris, for presidenten skulle ha
kome med utidige kommentarar, og "oppmuntra" Arafat til å forlange ein
internasjonal undersøkjingskommisjon for å utpeike den ansvarlege for
dei siste dagars hendingar. Dessutan skulle "l'atmosphère adéquate" ha
mangla, i følgje israelarane.
Chirac våga seg til og med frampå med litt sunn fornuft, då Barak gav
seg til å argumentere under møtet i Elysée-palasset. Han viste til dei
talrike reportasjane på tv: "Eg ser det eg ser. Ikkje ein einaste
statsleiar i verda kan nekte for at de brukar helikopter. Talet og
proporsjonane på såra og drepne viser kor ansvaret ligg!" Barak skal ha
svara at ein statssjef "ikkje baserer politikken sin på tvprogram" ...
Sjå:
http://www.lemonde.fr/article/0,2320,dos-3596-103870-QUO-1--,00.html
(I denne artikkelen ser ein også at Kofi Annan som vanleg heng i skjørta
til Albright, og ikkje snakkar utan at han blir spurt).
Den såkalla "propalestinske haldninga" til presidenten, dei
antiisraelske demonstrasjonane og ein synagogebrann i Aubervilliers
(forstad til Paris) fekk sjølvsagt jødelobbyen til å gå i fistel. Denne
er organisert i eit slags fellesskap av forskjellige organisasjonar
under namnet "Conseil représentatif des institutions juives de France"
(CRIF), og dei forlanga å bli mottekne "en toute urgence". Dei hadde
separate møte med Chirac og Jospin i dag.
I spissen for denne skinheilage flokken finn ein "prominente" folk som
advokaten Henri Hajdenberg (leiaren for CRIF), grand rabbin de France
Joseph Sitruk, David Saada, adm.dir. for Fonds social juif unifié, og
leiaren for l'Alliance israélite universelle, Adolphe Steg. Elles finn
ein representantar for Likoud de France (den franske greina av partiet
til Sharon), som kastar seg over saka om øydeleggjinga av "grava til
Josef" og som kallar det "eit skammeleg brotsverk utført av politiet til
Arafat". Le Betar et le Tagar de France (ultrasionistar) var også til
stades, og ville berre "uttrykke si forbausing og sitt raseri stilt
ovanfor barbariet og villskapen til arabarane". CRIF kallar inn til
solidaritetsdemonstrasjon framom den israelske ambassaden i Paris. Det
er nesten som for eit og eit halvt år sidan, bortsett frå at "offeret"
denne gongen ikkje blir bomba, men har full støtte frå verdssheriffen...
Resultatet av møtet var det vanlege bla-bla, med foto på trappa og
sleske grimaser ("smil"). Det jødiske samfunnet ber Chirac om "balanse"
- "Frankrike bør halda seg til rolla som mediatør og ikkje ta parti",
som Hajdenberg på arrogant vis postulerer.
Balanse og likevekt... for nokre luftige ord.
FN ligg flat for Amerika, med England og Noreg på slep. Lat oss for all
del håpe at det ikkje blir norsk representasjon i Tryggjingsrådet. Skal
ein på død og liv drite seg ut i høve til Midt-Austen, får det halde med
Nobelkommiteen!
Oddmund Garvik
______________________________________________________________________________
Vous avez un site perso ?
2 millions de francs à gagner sur i(france) !
Webmasters : ZE CONCOURS ! http://www.ifrance.com/_reloc/concours.emailif
This archive was generated by hypermail 2b29 : Sun Oct 08 2000 - 23:12:25 MET DST