Karsten Johansen a écrit :
>
> Hvis man ønsker et eksempel på EUs politiske tilstand er det interessant å
> kikke nærmere på situasjonen i et land med et av de mest fanatiske EU-
> begeistrede establishments: Belgia.
>
> Hvordan kan det være at det sterkeste fascistiske parti i dagens Europa
> feirer så store triumfer netopp i dette landet?
Dette er sjølvsagt eit klassisk eksempel på demagogi. Framgangen til det
flamske ytre høgrepartiet ved lokalvalet i Anvers (Antwerpen) kan
sjølvsagt ikkje brukast til å trekkje lettvinte og tabloide konklusjonar
om "EUs politiske tilstand". Denne framgangen er urovekkjande, men var
venta. Me har sett, og vil nok sjå fleire resultat av den
høgrepopulistiske bølgja som feiar over Europa. Er det fordi eliten
monopoliserer makta? Er det fordi det politisk korrekte borgarskapet
freistar å halde fascistane "utanfor"? Er det fordi breie alliansar av
demokratar strittar mot den brune vinden?
Skulle ein nytta den same argumentasjonen som m.a. Johansen nytta i høve
til Frp sin framgang i Noreg, må ein kanskje leggje til at 90% av
belgiarane stemte mot det ekstreme høgre, 66% i Anvers...
Vlaams Blok baserer framgangen sin på klassiske tema frå det
nyfascistiske repertoiret: misnøye med innvandringa (innvandrarar som
syndebukkar) og spørsmålet om "tryggleik" rive ut av den sosiale
samanhengen. I tillegg spelar Vlaams Blok på historiske og kulturelle
motsetnader som er spesifikke for Belgia. Det er det einaste
opposisjonspartiet, og samlar alle som er "misnøgde". Dei mobiliserer
folk under parola om at Flandern overfører for mykje pengar til Vallonia
(den fransktalande delen av Belgia). Flandern er sidan starten på
hundreåret styrt av dei same partia, og Vlaams Blok har sjølvsagt eit
lett spel, liksom dei andre høgrepopulistane i Europa.
> Det har sikkert kompliserte historiske forklaringer, men mye ligger
> utvilsomt i den falskheten som er karakteristisk for den elitære
> "internasjonalismen" til multinasjonale karrieremakere fra samfunnets
> øverste skikt. De har sitt på det tørre og gjør det lett for seg når de
> moraliserer over den stedbundne underklassens rasisme. Deres egen
> "antirasisme" er like lettbeint, hul og uforpliktende, som den er praktisk
> når billig arbeidskraft skal hyres til det ene eller det andre. Det vanlige
> mennesker opplever er arbeidsløsheten og fattigdommen, tildekket med fagre
> ord.
Vel, Bruxelles er sentrum for fleire internasjoanale organisasjonar. Det
er sjølvsagt lett å spele på kontrasten mellom livsstil og
funksjonsmåtar i desse miljøa som til dels er resultatet av "etiquette"
og funksjonsmåten til det internasjonale diplomatiet. Ein finn
tilsvarande kontrastar i New York t.d. Men slike fenomen er berre
symtom. Årsakene til arbeidsløysa og fattigdomen i lag av folket ligg
sjølvsagt heilt andre stader.
Og ja, deler av arbeidarklassen og folket er smålege, korttenkte og
rasistiske, men dette er også berre symptom. Skulle det vera tabu?
Skulle ein ikkje nemne det? Skulle ein helst oversjå det? Stakkars folk
- dei er jo arbeidslause og fattige!
Eg budde 13-14 år i den multikulturelle storbyen Paris. Eg var stadig
vekk stilt ovanfor det "folkelege opprøret" som Front National svinga
seg opp på i Mitterand-epoken på 80- og byrjinga av 90-talet. Var det
"lettbeint" og "moraliserande" å ta avstand frå dette, same kor
"forståelege" desse reaksjonane blei hevda å vera? Eg trur ikkje det. På
kva slag måte var det verre for ein "arbeidar" som stemte Front National
og slo om seg med den billege demagogien til Le Pen, enn for meg, og
andre som ikkje let seg forføre av brune idear? Eg og andre var både
arbeidslause og fattige. Alors?
Kor langt skal ein strekke seg i "forståing" for dei deler av
arbeidarklassen og folket som ved neste stortingsval kjem til å stemme
på Frp? Skal ein feie dette under matta? Berre skulde på den dårlege
politikken og talentløysa til eliten i dei andre partia? Freista å
skumme kremen av "misnøya" ved å fiske i urørt vatn, med populistiske
parolar og "populære" forslag? Det ville vera slutten på ei oppegåande
venstreside.
> Og den dagen det virkelig røyner på for kapitalismen igjen kommer vi til å
> merke hvor upålitelig "antifascismen" til den "internasjonale" overklassen
> er.
Det er mogleg du har rett i det. Men kva så? Det er ikkje antifascismen,
evt. antirasismen til funksjonærar i det internasjonale diplomatiet og
byråkratiet som opptek oss og som pregar motstandsrørsla. Dette er berre
eit billeg poeng - ei form for venstrepopulisme som sjølvsagt ikkje har
noko som helst med venstrepolitikk å gjera.
Skal venstresida i Noreg, Belgia og andre land som er truga av det
galopperande idiotiet og returen til stammesamfunnet overleve, må ho stå
fram med klåre analysar og standpunkt, og ikkje la seg freista av
"folkelege" kampanjar og lettvinte løysingar. Vera tålmodige, bruke meir
tid på å forkåre (evt. krangle) enn på å "forstå", for det er her det
sviktar.
Oddmund Garvik
______________________________________________________________________________
Vous avez un site perso ?
2 millions de francs à gagner sur i(france) !
Webmasters : ZE CONCOURS ! http://www.ifrance.com/_reloc/concours.emailif
This archive was generated by hypermail 2b29 : Mon Oct 09 2000 - 11:31:01 MET DST