Karsten Johansen a écrit :
> Alle ser vel klart nå hvor Bjørkedal plasserer seg. Alle de rasende utfall
> mot undertegna og andre står fram i sitt rette lys, etterhvert som de
> serbiske arbeiderne får med seg soldater og statens øvrige voldsapparat
> i det som ligner mest av alt på en ekte folkelig revolusjon.
Det er lenge sidan eg slutta å diskutere med Bjørkedal. Eg har ikkje
diskutert så mykje i det heile tatt i det siste, av personlege og
tekniske årsaker.
No kjem Johansen og forlangar "forklåring" frå "de som anklaget
serberne". Men eg ser ingen grunn til å gi noka forklåring. Det eg
skreiv her i samband med krigen i Kosovo, står framleis ved makt, og i
den grad eg kritiserte den serbiske opposisjonen (eller mangelen på
opposisjon), må dette sjølvsagt sjåast på bakgrunn av situasjonen då det
blei skrive. Dette burde vera elementært.
Kor vidt me ser ein "ekte folkeleg revolusjon", får tida vise. Like lite
som eg let meg fortrylle av den danske folkeavstemminga, like lite lar
eg meg fortrylle av hendingane i Serbia. Hadde eg vore serbar, hadde eg
sikkert vore i gatene og hoja. Det er "normalt" at slike hendingar blir
opplevd som frigjering. Men det er ikkje det som er spørsmålet for meg.
Her i Frankrike gjer arbeidarar, bønder og studentar opprør med jamne
mellomrom. Det hender ministrar går av. Men ein kan ikkje kalle det
revolusjon. Den siste franske revolusjonen var i 1968. I dag tilhøyrer
mange av dei som var på barrikadane den gongen, samfunns- og makteliten.
Og det sit framleis ein president som kallar seg gaullist i
Elysée-palasset. Ein må lære seg til å relativisere.
Johansen freistar å trekkje parallellar mellom folkeavstemminga i
Danmark og presidentvalet i det tidlegare Jugoslavia. "Arbeiderklassen"
i dei to landa sa nei til makta, men er det nok til å endre politikken
og samfunnet? Kva hjelper det om eit fleirtal av folket seier nei til
makta, når dei kastar seg om halsen til falske profetar? Kva hjelper det
om eit fleirtal av den norske "arbeiderklassen" stemmer nei til EU, når
dette fleirtalet nokre år seinare er viljuge til å gi halvfascistar
stemmeseddelen?
Når det gjeld situasjonen i Serbia/Montenegro/Kosovo, har eg ikkje så
mange kommentarar førebels. Eg gler meg over at Milosevic truleg er
ferdig, og vonar den nye makta viser at ho verkeleg er forskjellig. Eg
vonar for serbarane sin del at landet deira blir fritt og får eit
demokratisk styresett. Så fritt og demokratisk det kan bli etter så
mange år med undertrykkjing. Eg vonar at dei smått om senn blir kvitt
korrupsjonen og mafiaverksemda. Men eg er ikkje sikker på om
Kosovo-spørsmålet får noka løysing på kort sikt. Den serbiske
opposisjonen har som kjent aldri tatt avstand frå propagandaen om den
serbiske vogga i Kosovo. Tida får vise om dei er i stand til å ta eit
oppgjer med dette.
Oddmund Garvik
______________________________________________________________________________
Vous avez un site perso ?
2 millions de francs à gagner sur i(france) !
Webmasters : ZE CONCOURS ! http://www.ifrance.com/_reloc/concours.emailif
This archive was generated by hypermail 2b29 : Fri Oct 06 2000 - 13:21:53 MET DST