Desse temaa må ein nok halde frå kvarandre somme gonger, men dei heng
også saman. Sjølv kjenner eg berre nokre alfabet-baserte skriftspråk.
Lydkodinga der er mangelfull, både fordi alfabetet har for få bokstavar
til å representere alle lydane, og fordi ulike dialektar har ulike
repertoar av lydar (på søre Sunnmøre skal dei ha noko slikt som sju
ulike e-ar).
Dialektane er kvar for seg fullverdige talespråk med grammatikk og
lydsystem. Så lenge dei ikkje er altfor ulike, kan - og bør - eit godt
skriftspråk avspegle mest muleg av variasjonen i dialektane. Dei lydane
som er representerte med bokstaven 'e' i ein dialekt, kan vere andre enn
i ein annan dialekt, men begge kan kjenne seg heime i det same
skriftspråket.
Lars Staurset