KK-forum er kanskje ikkje rett plass for ein lang diskusjon om
typografi, men eg vil markere usemje med dette.
Kva som er lett å lese ("fremmer lesbarheten"), er avhengig av augene
som ser. Norske avislesarar er, som Raanes peikar på, vane med rett
høgremarg, og dei fleste les derfor lettast tekst som er sett opp slik.
Eksemplet til Raanes, delvis sitert ovafor, er misvisande, for
tekstjustering med proporsjonal skrift og utjamning på ordmellomromma
blir ikkje slik. Orddeling er viktig, og bør vere korrekt, både med rett
og laus høgremarg.
Om skriftval kan ein seie noko liknande: det som skiljer seg sterkt ut,
tek noko av konsentrasjonen bort frå innhaldet i teksten. (Dette gjeld
vanleg brødtekst, ei anna sak er at ein somme gonger må bruke
typografiske og andre signal for å fange merksemda.)
Lars Staurset