Trond Andresen (til KVJ):
>innafor EU - mens han ser bort fra at fagforeningene og rettigheter på
>jobben i gjennomsnitt er langt svakere, at likestillinga og kvinnesyn i
gjennomsnitt
>er langt dårligere, at kommersialismen i gjennomsnitt har en sterkere posisjon
>både i media og ellers, at korrupsjonen og lobbyismen i gjennomsnitt er
>langt mer utbredt, at politikerne i gjennomsnitt er langt mer priviligerte,
>at lønnsforskjeller i gjennomsnitt er langt større, at landbruket er mer
>industrialisert og i gjennomsnitt mer miljøskadelig, at militær- og
>politiapparater i gjennomsnitt er langt mer brunspettet.
TA til meg:
>"Befolkningen i EU er om lag 30 ganger så utsatt for infeksjoner og
>forgiftninger fra matvarer som nordmenn.....
>...En grundig undersøkelse fra Nederland viser at 30% av befolkningen blir
>rammet av matbårne forgiftninger og infeksjoner hvert år
>....Norske helsemyndigheter regner med at at bare 1% av befolkningen blir
>syke av bakterier og virus fra maten.
>.....Og i motsetning til i EU-landene er hovedtyngden av nordmenn som blir
>syke, smittet i utlandet....."
Det er mange diffuse tilnærmingar her. Først er det snakk om "i
gjennomsnitt". Deretter blir det påstått at "befolkningen i EU er om lag 30
ganger så utsatt for infeksjoner og forgiftninger fra matvarer som
nordmenn.....", basert på ein hollandsk statistikk som "viser at 30% av
befolkningen blir rammet av matbårne forgiftninger og infeksjoner hvert år".
Dette blir stilt opp mot norske helsestyresmakter som "regner med at bare
1% av befolkningen blir syke av bakterier og virus fra maten". Det er nesten
ikkje nødvendig å nemne at denne prosenten får styggeskapen i seg i
utlandet. Det er nok best å halde seg i heime i bobla.
Eg er lei for det, men eg trur ikkje på slikt. Og eg er forbausa over
mangelen på kritisk sans (og sunn fornuft) som pregar mange i denne
saka. Dessutan er det mykje oppstyr om lite. Eg høyrde på utanlandssendinga
til NRK at norsk kjøtimport frå EU berre utgjer 2 prosent av det totale
kjøtforbruket i Noreg. Stemmer det?
>Spørsmål til Garvik: Hvis dette er riktig, og vi etter hvert opplever en
>økning i disse sjukdommene også i Norge, opp mot EU-nivå -- tror du da det
>er mulig å komme tilbake til den nåværende gode situasjon, hvis de som mener
>det samme som deg, skulle angre seg en gang i framtida og ønsker å
>gjeninnføre dagens effektive kontrollordninger? Hvis det er riktig som
>fagfolkene sier, at det er ekstremt vanskelig å reversere en uønsket
>spredning av bakterier og mikroorganisemer, hva betyr det for ditt
>standpunkt? Bør man i det hele tatt foreta seg ting som kan lede til
>irreversible endringer til det verre, når de aller fleste fagfolk advarer
>mot det?
Eg veit at det er vanskeleg å reversere spreiing av bakteriar og andre
mikroorganismar, og i prinsippet kan eg forstå at slike ting skapar uro. Men
det er bortimot uansvarleg og på kanten av det groteske å freista ekse opp
eit heilt folk på så svakt grunnlag som det nei til EU har gjort i denne saka.
Dyrehelsa i Noreg er ikkje så god som ein vil ha det til. Og den sanitære
situasjonen i EU er ikkje så dårleg som NTEU hevdar. Det er dessutan reint
illusjonsmakeri å tru at ein kan unngå smittefaren, fordi Noreg trass i
bobla jo faktisk er ein del av Europa, og av verda. Nordmenn reiser, vel så
mykje som andre europearar, trur eg.
Kampanjen mot veterinæravtalen er god dommedagsteori, og litt av ei
merkesak... (særleg for Senterpartiet). Eg kan forstå poenget med alt dette,
det er ikkje så mange steg att før Noreg er fullt medlem av EU. Neste gong
er det kanskje euroen som skapar problem.
Her nede har me no fått utdelt konverteringskalkulatorar, og alle prisar
blir oppgitt i både franc og euro. Ingen skrik opp av den grunn. Blir det
vanskeleg, og alvorleg usemje, har ein alltid hender og føter til å forsvare
seg. Franskmenn er flinke til slikt.
Det finst to polar i EU, teknokratane i Brussel, og det europeiske folket.
Heile greia er ein balansegang, eller klassekamp om du vil. Over Europa, og
verda svevar dei transnasjonale selskapa. WTO og GATT. Den franske
regjeringa smellte att døra for MAI-avtalen.
Eg bur litt over ti kilometer frå eit atomkraftverk, og dei aller fleste
fagfolk åtvarar mot strålefaren (sjølv om eg nyleg las ein amerikansk
forskingsrapport som konkluderte med et motsette: svak radioaktiv stråling
har "positiv" innverknad på ein del infeksjonssjukdommar.... ein er ikkje
nøydd til å tru på det sjølvsagt. Eg er mot atomkraftverk, men i Frankrike har
ein ikkje noko val. Det finst 57 reaktorar spreidde rundt i landet. Bur eg
her, eller andre stader, går det for det same. Dersom det smell ein dag, kan
eg ingenting gjera mot "irreversible endringer til det verre". Livet er
farleg.
Eg reiste friviljug til krigen i Libanon for mange år sidan, og blei verande
eit heilt år. Det var det året Ariel Sharon sette i gang "Peace for
Galilee", og uskuldige blei myrda i Sabra og Chatilla. Det var eit personleg
val. Det var også farleg.
Det går ikkje an å leva utan fare. Det motsette er ein illusjon. Eg tenkjer
det same i høve til smittefaren frå Europa. Er ein redd for smitte, ordnar
ein seg slik at ein ikkje kjøper kjøt i plastemballasje, og heilt unngår
industrielle matprodukt. Det er ikkje så vanskeleg som ein skulle tru. Det er
eit personleg val.
Eg har ete mykje rart, i Midtausten, Afrika, Vestindia, og Sør-Amerika, på
kryss og tvers i Europa, til og med i Noreg. Men eg har aldri vore sjuk.
Difor relativiserer eg dette hysteriet omkring smittefare i matvegen. Eg
kastar meg uti dei villaste eteorgier, drikk minst ei flaske vin for dagen,
og lever livet med all den glede og sorg som menneska alltid har drege på.
Det er betre å vera glad og i godt humør i dette korte livet, enn å grava
seg ned i grublingar over kor farleg alt er. Særleg i Noreg, der livet er
kjipt nok som det er frå naturen si side!
>>........Stilt overfor einvegstenkjinga (la pensée unique) som rår her på
>>forumet, og elles på den norske "venstresida", har eg ikkje anna val enn å
>>"flåse" litt...
>
>En nyttig innrømmelse.
Men kva vil du eg skal gjera, halda kjeft som det store fleirtalet av
"medlemmene" på KK-forumlista? Ingen tar skade av litt "retorikk", som du
kalla det, og usemje. Me er her for å diskutere, non?
Oddmund Garvik