Lars Staurset:
>1. Apropos "NATO's corporate friends":
>
>Dagens Næringsliv skriv i dag på side 24:
>"Aksjeinvestorer jakter på Kosovo-effekt i militærindustrien. Uten
>unntak har europeiske og amerikanske børsnoterte forsvarsselskaper
>opplevd en betydelig kursoppgang siden bombingen av Jugoslavia startet
>for over tre uker siden."
Det kan hende det har vore nokre små variasjonar i nokre sektorar, men totalt
sett har ikkje krigen i Kosovo ført til store bølgjer på børsane i verda.
Folket som er innblanda er for fattig, "ubetydeleg", og det finst ikkje
naturressursar nok. For spekulantane er krigen ein "non-événement", som me
seier på fransk.
Jon M.:
>Om de 70 drepte ved Djakovica har jeg nå, torsdag kl. 12.45, skrevet leder
>til fredagsavisa. Denne forferdelige historia var ikke kjent for meg da jeg
>skrev mitt svar til Trond A i går kveld. Akkurat nå kommer det melding på
>NTB om at Nato visstnok påtar seg ansvaret, etter først å ha prøvd å lempe
>skylda på serberne.
>
>Jeg vil henvise Trond A og alle andre interesserte til en artikkel i
>Aftenposten i dag, skrevet av Per Annar Holm som er i Skopje, Makedonia,
>under tittelen "Flyktet fra et Pristina i flammer". Og jeg vil spesielt be
>Trond A om å ta stilling til hva denne artikkelen direkte forteller, og hva
>den indirekte forteller om reportasjene fra flyktningstrømmen før og nå.
Lars Staurset:
>Artikkelen i Aftenposten om flyktningar frå Pristina kan lesast på
>http://www.aftenposten.no/nyheter/uriks/kosovo/d77309.htm. Det står
>ikkje så mykje om akkurat den saka der, og det er kanskje ikkje nok til
>å underbyggje poenget til JM:
Det har du nok heilt rett i. NATO har sjølvsagt korkje politisk, eller
strategisk interesse av å bombe sivile i seg sjølv. Men ein får nok ein gong
klårt for seg at krig er ei skiten affære, at "kirurgisk" krigføring er ei
oppfinning utan reelt innhald. At krig utan offer ikkje finst. At doktrinen
til Bush/Clinton sjølvsagt ikkje held mål. Krig er ikkje videospel.
NATO har no om lag 1000 jagar-/bombefly av forskjellig slag i området. Dei
har bomba militære/strategiske mål i tre veker, utan at resultatet er så
mykje å skryte av. I alle høve om ein ser det på bakgrunn av stoda på bakken
i Kosovo.
Eg har ingen illusjonar om at nokon som helst i NATO høyrer på meg. Det er
berre eit spørsmål om sunn fornuft. Den gamle soga om å stikke fingen i
jorda for å finne ut kor ein er. Den serbiske terroren held fram. Det finst
truleg bortimot ein million flyktningar inne i Kosovo. Den kosovoalbanske
frigjeringshæren er ute av stand til å stå mot den serbiske offensiven,
kjempar i retrett, og flyktar saman med dei sivile. Kanskje det var ein
taktisk feil av UCK å vilja halde på frigjorte territorium utan å vera i
stand til å forsvare dei sivile i området.
Katastrofen er no total og NATO svarar berre med stort sett å halda fram den
strategiske bombinga. Ved Dakovica fekk ein amerikansk F-16 flygar i stor
høgd (15000 fot - 5 kilometer) og i stor fart (1000 km/t) auge på ei
kolonne i eit hol i skydekket. Han hadde framleis bomber om bord og ba om
løyve til å sleppe dei. Det må ha skjedd ganske fort, utan dobbel
verifisering av målet. I ein slik situasjon har flygaren berre 18 sekund på
seg til å sikte inn målet, sleppe bomba og kome seg ut av målområdet. Dette
utstyret er ikkje særleg godt tilpassa i høve til situasjonen på bakken i
Kosovo nett no: Blanda sivile og militære kolonner på vegane. Ein såg eit
resultat i Dakovica. Det finst fleire motstridande forklaringar blant
augevitne og andre som kom til like etter. Ein journalist frå Agence France
Presse (AFP) seier at det var 20 drepne. Serbarane sa fyrst det var 64, men
korrigerte dette til 75 seinare. Talet på drepne er vanskeleg å fastslå, men
det har ikkje så mykje å seia. Dei kjem aldri attende. Men denne saka
avslører eit snev av improvisasjon i NATO-aksjonen som eg har vore inne på
tidlegare. Det er for dumt til berre å avfeie som eit "uhell". På den andre
sida var det ikkje eit nytt "Guernica".
Det gjer meg sterkare i trua på at det er nødvendig med ein intervensjon
på bakken, støtta av kamphelikopter som er betre tilpassa den konfuse stoda
i terrenget. Risikoen for vestlege soldatar og flygarar blir sjølvsagt langt
større, men det er prisen ein må gå med på om ein vil bli teken på alvor.
Ein kan ikkje "stoppe bombinga/krigen no". Det ville vera ein vits. Krigen
kjem til å gå sin gang like til Milosevic bøyer av og trekkjer styrkane og
militsane sine ut av Kosovo. Deretter kan ein setje seg til bords, ikkje før.
Oddmund Garvik