Le ven, 14 jan 2000, jonivar skullerud a écrit :
> Jeg har noen få ganger sendt og mottatt passord via epost. Jeg mener,
> ordentlige passord som gir tilgang til en maskin, ikke
> vevside-«passord» og desslike.
>
> Kryptering er også innebygd i ssh (secure-shell) som er den eneste
> måten jeg kan få tilgang til Crayen hvor jeg gjør mesteparten av
> beregningene mine, og til pcen min når jeg er bortreist.
SSH er diverre i prinsippet ikkje tillatt i Frankrike, sjølv om mange (inkl.
meg sjølv) brukar det av og til. Alt som er "hemmeleg" er svært gjævt her
til lands, og ein har no laga ein fransk versjon av SSH til almugen - SSF
(Secure Shell Francais).
SSH/SSF er sjølvsagt temmeleg begrensa, og bør vel ikkje brukast til ting
som er "svært hemmeleg". Styrken til eit krypteringsprodukt heng elles ikkje
berre saman med algoritmen som er nytta. Ofte er det svake leddet sjølve
implementeringa. I tilfellet SSH (og SSF med ein kode som er basert på SSH)
er implementeringa middels, og har aldri blitt sertifisert, eller verifisert
på objektivt vis.
SSF-nøkkelen er på (berre) 56 bits, medan den som blir brukt under IDEA (som
er standard i UNIX) og RC4, er på 128 bits. Blowfish nyttar 256 bits og
trippel-DES, 168 bits (3x56).
Standard PGF-kryptering er på 128 bits (i den aktuelle freeware-versjonen),
trur eg. Den norske browseren Opera (som er ypperleg) nyttar SSH på opptil
128 bits i Windowsversjonen, og truleg det same i den komande versjonen for
Linux.
I visse tilfelle er det interessant å nytte kryptering på nettet sjølv om det
ikkje gir nokon fullverdig garanti mot Storebror. Det gjer kanskje jobben
deira litt vanskelegare, men det er mykje leven for lite resultat.
Sjølv om kraftigare maskiner også blir tilgjengelige for oss på golvet, slik
at ein kan fylgje opp, og freista sabotere overvakinga i framtida også, vil
Storebror alltid ha eit stort forsprang. Systemet er slik laga.
IBM arbeider for tida med ein ny superkalkulator, Deep Gene. Denne maskina skal
vera 500 gonger raskare enn dei raskaste, eksisterande maskinene. Med over 1
petaflop reknekapasitet (1 petaflop = 1000 teraflops = 1000000 gigaflops),
vil Deep Gene vera 1000 gonger raskare enn Deep Blue som slo Garry Kasparov i
sjakk i 1997, og 2 millionar gonger raskare enn dei raskaste PCane som finst
i dag (eg har berre ein gamal Pentium 133, og kjem langt bak i rekkja).
Teoretisk finn det ei maskin som langt overgår Deep Gene og alle dei andre
supermaskinene - kvantekalkulatoren. Med ei slik maskin kan ein knekke kva
slags kryptering som helst berre på nokre få minutt... Og framleis er me berre
på steinalderstadiet i denne "verda". Det er ikkje mykje å hoppe i
taket av førebels. Difor må ein vakte seg vel for ikkje å gå i same fella
som dei fascinerte, hovudlause teknofreakane (jfr. Øgrim).
Hjulet var eit langt større sprang, og den moderne varianten, sykkelen, som
Karsten heilt rett trekk fram som den verkeleg moderne oppfinninga. Med
sykkelen kom dei unge seg ut av bygder og landsbyar, forplanta seg lenger og
lenger borte frå det som i generasjonar og hundreår hadde vore opphavet til
mykje genetisk einsrettingog og rot, dvs. degenerering. Det var med sykkelen
ein oppdaga kor viktig det er å ikkje mure seg inne med sine eigne. Ein måtte
ut i verda for å få det til.
Putin og dei andre kan berre glane og rote i sakene våre. Eg har ingenting å
løyne. Det er ingen tvil om at me blir overvaka, og det har lite for seg å
bruke tid og krefter på å "avsløre" dette i seg sjølv. Det som kan setje
tankane i sving hjå dei mange, er summane som kvart år blir skuffa inn i
dette holet. Astronomiske summar, sett under eitt, som sjølvsagt kunne og
skulle ha vore bruka til heilt andre, og meir menneskelege aktivitetar.
Oddmund Garvik
This archive was generated by hypermail 2b29 : Fri Jan 14 2000 - 13:53:39 MET